مولد سيدى بكين



قبل أن ينتهي مولد سيدي بكين خرجنا من المولد بلا حمص لأننا امتهنا الفهلوة وفتح عينك تاكل ملبن واللعبه دى كنا بنلعبها في أثينا وكسبنا ذهب وفضه وبرونز والنهاردة بنلعبها في بكين بدون ميداليات حبا في الله ورسوله .
ولأننا تعودنا على النكبات واتعودنا على الأصفار وليست فضيحة تنظيم كاس العالم 2010 ببعيدة ولأننا تعودنا على الخسائر وأصبحت الخسائر إدمان فلا فرق بين خسائر رياضية وأخرى اقتصادية وأخرى في الأرواح بسبب الإهمال وعدم الضمير .. ولأننا عندما نكسب .. نكسب ليس لأننا الأكثر تنظيما ولكن لأنها ماشيه معانا بالبركة نفيم الدنيا ولا نقعدها ونجعل ممن يكسب ملكا متوجا ونقيم له الأفراح والليالي الملاح حتى يبدأ في التكبر على من صنعوه وعلى بلدة ..ونجد من ينسب الانتصار لنفسه ولولاة ما تحقق حتى وان كان كل ما فعله هو حمل شنطه التدريب للاعب الفائز..
في أثينا فزنا بخمس ميداليات وفى بكين كان منتهى آمالنا أن نأخذ مثلهم في حين أن لاعب واحد أمريكي حصل على ثماني ميداليات ذهب ( أي والله ذهب ) كم تكلف للحصول على هذه الميداليات الذهبية هل تكلف مثلما تكلفت البعثة المصرية في الأعداد والتي فشلت في الحصول على مثل ما حصلنا عليه في أثينا ..
مولد سيدي بكين يا سادة كلف الدولة ملايين الجنيهات.. من نحاسب ؟ طبعا لا أحد .. من يقف يقول انه المسئول ؟ طبعا لا أحد .. لكي الله يا مصر يامن نهتف باسمك ولا نعطيكى حقك .. نتغنى بحبك ولا نرفع رأسك .. أنتي اعظم بلاد الدنيا ونحن اسوأ أبناء لأعظم أم.. نأخذ خيراتك ونبددها بأسم التمثيل المشرف ونأخذ من أقوات المساكين أبنائك بأسم رفع علمك في المحافل الدولية .. نصرف المليارات من اجل أن نقعد في مقاعد المتفرجين الذي برعنا فيها ننظر لأبطال العالم وهم يحصدون الميداليات ونحن نرفع شعار القناعة كنز لا يفنى ..
لكي الله يا مصر فقد انتهى المولد وستكتب الصحافة والنقاد حتاكل عيش على قفا سيدي بكين وترجع ريما لعادتها القديمة ونرجع للدوري المحسوم مقدما للأهلي رغم هزيمته من المصري ومدربه المعجزة ما نويل جوزيه والذي لم يصنع لاعبا واحدا لمصر منذ أن وطأت رجله المحروسة ونرجع نتكلم عن مشاكل التحكيم وعن خيبه الزمالك وقله إمكانيات الإسماعيلي والمصري والاتحاد ونرجع نتكلم عن معركة الهبوط ومين باتري اللي حهيبط ونرجع نتكلم عن الأهلي اللي مش عاوز يذيع مبارياته وباتري حيذيع ولا مش حيذيع .. أقولكم إيه .. ماتوجعوش دماغكم .. محدش يتكلم على بكين .. اقلبوا الصفحة .. بلا وجع دماغ على الفاضى .. وشي الله ياسيدى الدوري

  • Digg
  • Del.icio.us
  • StumbleUpon
  • Reddit
  • Twitter
  • RSS

35 Response to "مولد سيدى بكين"

  1. محمد فاروق الشاذلى says:
    23 أغسطس 2008 في 3:43 ص

    معك الحق يا أستاذ طارق فكل نجحاتنا هى محض مصادفة _مع إستثنائات قليلة.
    نحن لا نعرف كيف نخطط بشكل سليم لذلك نفشل بسرعة الضوء

  2. Empress appy says:
    23 أغسطس 2008 في 3:55 ص

    من جد وجد ومن استهبل وقع على قفا بس خلاويص

  3. RASHA says:
    23 أغسطس 2008 في 5:03 ص

    مبروك لفوز المصرى على الاهلى وبجد اغنية فيروز رائعة تحياتى لذوقك الجميل

  4. غير معرف Says:
    23 أغسطس 2008 في 7:17 ص

    يعنى يا استاذ طارق دى عادتنا ولا هنشتريها ..ده لو حصل غير كده منبقاش احنا لازم لازم عشان ميحصلش الاستعباط اليى بيحصل كل بطوله اليى اسمه الاستهبال المشرف ان يتحاسب المسئول عن المهزله دى حساب الملكين ولا خلاص اتعودنا ان البلد دى مالها سايب يتبعتر فى اى مكان ..بوست اكتر من رائع بس هيرجعوا من بكين وهنرجع احناندورفى فلك الاهلى والزمالك وننسى ان فيه كارثه حصلت فى بكين اسمها التمثيل المشرف..وربنا يخيب ظنى..

  5. شهرزاد says:
    23 أغسطس 2008 في 11:40 ص

    السيد طارق
    جميل ما قلته.. فالهزائم أصبحت لدينا شيئا عاديا.. لست أدري لماذا ولكنها قد تكون عقدة نقص..
    وهي وقفت على الرياضة
    إن فشلنا ذريع في كل شيء
    وأتفق مع قلب مصري انه ينقصنا التخطيط

    ألف تحية

  6. Maha Shahen says:
    23 أغسطس 2008 في 12:45 م

    انا بقول نلغى الكوره اصلا ههههههه اصلا انا مبحبهاش مع اعتذارى للجميع
    احنا نستفيد بالفلوس في مجال تانى وبلاها كوره ولا نحرق دمنا ولا نلملم ازيال الهزيمه وخلي علمنا مرفوع فى بلدنا احسن ما نبقى بنلعب كوره وعلم تانى اللي بيرفرف علي ارضنا
    تحياتى ليك

  7. ســـهــــر says:
    23 أغسطس 2008 في 3:08 م

    والله يا استاذ طارق هقولك على حاجة احن خدن على الهزايم فى كل حاجة دة حتى لما كرم جابر اخد ميدالية كنا مزهولين
    بس كويس ان محدش فى الدورة دى ازهلنا واخد ميدالية ولا حاجة

    وبالنسبة للفلوس ومين يحاسب مين دى مش جديدة بردوا فاكرين زى محضرتك زكرت فضيحة الصفر الكبييييييير بتاع 2010

    ربنا يعينا على المصايب اللى بقت يومية فى بلدنا

    وكل سنه وحضرتك بالف خير

  8. yoyo says:
    23 أغسطس 2008 في 3:28 م

    استاذى العزيز
    يارب تكون بالف خير
    كل سنة وانت طيب رمضان كريم
    بالنسبة للخيبة القوية والله من كترها خدنا عليها بقى بقت حاجة متوقعة سوء تخطيط وسوء تنظيم منننا ماهو مولد بقى وصاحبه غايب فتة بقى ومش حد عامل لها حساب
    حتى الاخ كرم جابر يقولك اصل مش عارف اخد حقنة عملت له ايه مش عرف يركز والنبى دا كلام بيضحكوا علينا ولا على نفسهم وباقى الالعاب بقى شرحه خيبة قوية اوى يعنى بلا خيبة بس اكتر من كدا ايه بقى
    امممممم دا حقد على الاهلى ولا ايه ههههههههههه
    تحياتى لك
    يويو

  9. السماء الداميه says:
    23 أغسطس 2008 في 3:47 م

    غلى فكرة انت والله عندك حق وكويس انك اتكلمت فى الموضوع ده مستنى تعليقك وسعيد بزيارتك

  10. رؤية says:
    24 أغسطس 2008 في 3:13 ص

    فكرتنى ليييييييه،
    دا انا دمى محروق،
    شكلنا وحششششش،

    بس بصراحة لو هانفكر بموضوعيه،
    هانلاقى حاجات كتير السبب،
    اولا ترك اللاعبين فترة دون تدريب مع نه الفيصل ى الفوز،
    غرور اللاعب بعد الفوز،
    طبعا الدعايا الكاذبة هانعمل وهانعمل وفى الاخر ولا حاجة،
    بنحاول نكون على مستوى الحدث رغم اننا غير مستعدين والمفروض كل واحد عارف امكانياته وبعدين مستوى اللاعبين مش سر حربى يعنى احنا بنبقى رايحين عارفين هانلاعب مين ومستواهم ايه،
    اهم حاجة بقى الشعب الغلبان....
    بيحط امل على ايه مش عارفة،
    العجيب اننا شعب لا يياس ،
    رغم ان القاعدة معروفة ومحفوظة الا انه لدينا دائما امل فى ان تكسر!!!

    اقول ايه...؟!!!
    لو ليك شرف صفر المونديال،
    وخسارة الاولمبياد،
    وشعب تعبان وجعان،

    يبقى انت اكيد اكيد فى مصر،

    مع الاعتذار للاغنيه،

    دمت طيبا،
    تحياتى لك.

  11. عاشــــــ النقاب ـقــــة"نونو" says:
    24 أغسطس 2008 في 8:17 ص

    هنقول تاني
    احنا عارفين ناخد اولمبياد الرغيف
    لما هناخد اولمبياد بكين
    عادي عادي
    الحريق أثر عليهم
    كل عام وحضرتك الى الرحمن اقرب

  12. Unknown says:
    24 أغسطس 2008 في 1:11 م

    و الله فعلا ًماحنا كدة على طول ..!
    يعني طبيعي نصرف الملايين و مانعملش بيها اي حاجة ..
    اصلاً يعني هو في حاجة متقدمة عندنا عشان نتقدم في الرياضة ؟؟
    بصدق يعني ..
    الرياضة و الثقافة انعكاس لتقدم الامم ..
    طيب؟؟
    عادي بقى يا استاذ طارق .
    تحية و سلام

  13. Lobna Ahmed Nour says:
    25 أغسطس 2008 في 2:25 ص

    صوت آخر بيقول عادي

    زيارتي الاولى لحضرتك .. خالص التحية

  14. كاميليا بهاء الدين says:
    25 أغسطس 2008 في 3:06 ص

    مولد سيدى بكين

    كان مولد دخلناه وخرجنا منه بخفى حنين
    يمكن بخف واحد كمان

    مش عارفة ليه كده
    مع ان زمان كنا بنسمع عن بطولات فردية كتير

    بجد شئ مؤلم

    تحياتى واحترامى

  15. محمد الهادى غانم says:
    25 أغسطس 2008 في 5:07 ص

    شلاه يابو الميدليات الدهب .
    شلاه يابو الارقام اتحطمت .
    شلاه يابو جاميكا في العاب القوة دمرت .
    شلاه يابو السودان للفضه حققت .


    بركاتك تساعد العجزه وتخفف عنهم الشلل والعته .
    بركاتك نلحق ولادك المصريين في بكين والعركة ولعت .
    قال ده رئيس اتحاد وده رئيس الرياضة واقدام العالم وشعللت واتفضحنا .

    امانه عليك بعد اربع سنين تنفخ في صورتهم .

    تحياتي ويجعله عامر
    علي فكرة احنا طول عمرنا املنا في اولمبياد المعاقين والزمن ان شاء الله بنا وافكرك .

  16. همس الاحباب says:
    25 أغسطس 2008 في 5:20 ص

    كل سنة وحضرتك طيب وبصحة وسعادة
    ورمضان كريم
    طبعا عندك كل الحق فيما تقول
    الفوضى وعدم التخطيط واللامبالاة واهدار المال سمات العمل الادارى والرياضى فى مصر
    لذلك اصبحنا بلا هوية ولا طموح
    وحسبى الله ونعم الوكيل
    تحياتى

  17. Unknown says:
    25 أغسطس 2008 في 6:00 ص

    جاية متاخر تانى :(
    اسفة والله على التأخير
    بص يا استاذ طارق احنا مش عندنا وسطية ابدا فى التعامل مع الرياضيين
    يعنى اولا كل الاهتمام منصب على كرة القدرم
    ثانيا اما اهمال تام او التفات كامل
    زى مثلا فريقالهوكى كان بالجهود الذاتية واول ما خد بطولة العالم والمصريين يعنى التفتوا اليه باظ الفريق ما شاء الله يعنى اصراف اما فى الدلع او الاهمال عارف احنا اصلا فاشلين اداريا جداا وكمان ما عندنا هدف
    ولا حتى مبدا الاستمرار ومحاولة الوصول لما نصبوا
    وان شاء الله هحاول ارجع افش غضبى تانى من بكين وجمال بكين وخبيتنا فى بكين

  18. زُمُرده says:
    25 أغسطس 2008 في 6:38 ص

    كل شيء نصيب

    بس لو كنا قصرنا نبقى نستاهل كمان وكمان
    واللي يشيل الوز اللي قصر في اللي عليه

    حلها بسيط
    كل واحد يتقن ويتفنن في اللي بيعمله

    ------------
    اشكرك
    على الزياره الجميله
    ونورني دايما
    ورمضان كريم وكل سنه وانت وانا متصلين وفي دمدونات بعض راسيين

  19. أمل حمدي says:
    25 أغسطس 2008 في 7:58 ص

    اخي طارق مدونتك رائعة واسلوبك في تناول المواضيع اروع
    سعدت بمروري عندك
    وكل عام وانت بخير
    دمت بكل الود

  20. نـــــور says:
    25 أغسطس 2008 في 10:31 ص

    تصدق بالله
    فعلا حاجه تحرق الدم
    اديك قلت هنحاسب مين؟؟
    بصراحه معنديش تعليق لانك فلت الل عايزة اقوله

    كل سنه وحضرتك طيب ورمضان كريم

  21. Desert cat says:
    26 أغسطس 2008 في 4:07 ص

    انفاق الملايين على اللاعبين من تدريب وسفر ومظاهر الجميع فى غنى عنها
    يناظرها كام مليون شاب عاطل ؟؟؟
    الفشل المستشئى فى كل شئ
    عدم اللامبالاة واليأس من الجميع ولك فى حريق الشورى عبرة
    لذلك نحن ننحدر الى الهاوية باقصى سرعه
    ولا عزاء لنا فى مولد سيدى بكين
    تحياتى

  22. قررت أكون عانس says:
    26 أغسطس 2008 في 4:35 ص

    سلام عليكم

    قبل ما اعلق ع الموضوع هعلق ع الراحة اللى حسيتها مع صوت فيروز اللى يجنن

    اما بالنسبة للموضوع فحضرتك عندك حق فى كل اللى قلته

    و انا بعتبر ان اللى احنا فيه ده نجاح مذهل فى الفشل

  23. Gannah says:
    26 أغسطس 2008 في 8:47 ص

    طبعا عندك حق
    الفهلوة هى مشكلتنا الكبيرة
    فيها ايه لو كنا اعترفنا اننا غير مؤهلين للدخول المرة دى ووفرنا الملايين اللى ضاعت واللى احق بيها الناس اللى عايشة تحت خط الفقر
    كل سنة وانت طيب يا استاذ طارق
    ولو كان فى العمر بقية يمكن بعد اربع سنين تشيل كلمة بكين وتحط لندن والبوست يمشى برضه
    تقبل خالص تحياتى واحترامى

  24. غير معرف Says:
    26 أغسطس 2008 في 11:27 ص

    اخي العزيز اعتذر بسبب انقطاعي عنك
    وذلك لسبب ظروف امر بها
    من الانتظار ووعود لا نهاية لها
    اغرقتني في دوامه من الحزن والاكتئاب
    لا تقلق اخي العزيز
    قريبا ساتعدى محنتي
    واعود اليكم الفراشه الرقيقه
    مودتي الخالصه لك
    لين عبد الله

  25. ايمان العرفاوي says:
    27 أغسطس 2008 في 4:59 ص

    كل سنة وانت طيب ياطارق
    فينك من زمان؟
    والله عندك حق
    للاسف بقت حياتنا كلها اصفار
    مصر للاسف من سىء لاسوأ فى كل حاجة
    بس مش مشكلتنا الرياضة ولا بكين احنا مشكلتنا كل حاجة تعليم وصحة وووووو
    ماجاتش على بكين

  26. kochia says:
    27 أغسطس 2008 في 3:58 م

    اولا ازيك
    وكل عام وانت بخير
    والاسرة الكريمة بكل خير ان شاء الله

    وبما اني حاولت اتفرج علي مولد بكين
    قصدي دورة بكين

    ودورت علي حد من ولاد العرب
    ودورت علي حد من ولاد توت عنخ امون برده بس افتكرت انه مات صغير ومش عارفة عنتده عيال ولا لا

    فبالتالي اتفرجت علي ولاد شنج هنج وعجبوني اوي في كل حاجة
    من طقطق لحد وعليكم السلام و ماتنسوناش

    المهم
    عجبتيني الخاتمكو بتاعتك
    نقلب الصفحة ونصلي علي النبي
    اللهم صلي وسلم وبارك عليه

    تحياتي

  27. عروسة ننوسة says:
    28 أغسطس 2008 في 8:36 ص

    كل سنة وانت طيب

  28. غير معرف Says:
    28 أغسطس 2008 في 1:02 م

    هولندا هذه البلاد الصغيرة اتي أعيش فيها و أحمل جنسيتها حصدت 22ميدالية من بكين و عاد رياضيوها أبطالها تفخر بهم دولتهم أما الدول العربية فرغم غنى بعضها و توفره على كل الإمكانيات للتجهيز و التحفيظ فتكاد تكون غير موجودة في العالم و عالم الرياضة بالتحديد فيا حسرتي على هذا الحال
    تقبل تحياتي و أطيب المتمنيات
    nounou arabe
    nounou14.maktoobblog.com

  29. Rania Lelah says:
    30 أغسطس 2008 في 4:30 ص

    حن الى الان لا نعرف كيف نصنع بطلا... بلاضافه طبعا الى الفساد المنتشر و هذه الاموال التى لا تصل لكل اللبعات الا كورة القدم بالطبع
    و همومنا المتعلقه بها من معارك بين الاهلى و الزمالك و تدخل الرئيس لحل مشكله حارس المرمى

    لك الله يا مصرنا

  30. موناليزا says:
    30 أغسطس 2008 في 11:16 ص

    لو حصل وكسبنا فى حاجة بيكون بفضل تجمعنا وتضامنا على الدعاء بالمكسب.. فقط لاغير

    كل عام وانت الى الله اقرب والى طاعته ادوم

  31. دينا حامد says:
    30 أغسطس 2008 في 11:34 ص

    الفلوس ماتطلعش غير في الهيافه الناس بتموت وتتشرد وتجوع وهما بيصرفوا الفلوس في الهبل
    ربنا ينتقم منهم




    رمضان كريم

  32. Gannah says:
    30 أغسطس 2008 في 3:06 م

    كل عام وانت الى الله أقرب
    وعلى طاعته أقدر
    وكل عام وأنت بخير
    رزقنا الله العفو والمغفرة ودعوات لا ترد
    تحياتى

  33. PrInCeSS BeRy says:
    30 أغسطس 2008 في 4:57 م

    بورسعيدى

    الكاتب الجميل حضرتك جبت الخلاصة انة كل حد بيعمل بيلاقى فى اى حاجة فى الحياة طالما بذلت مجهود لازم تلاقى ثمار وحشة حلوة بس ثمار تعب ومجهود
    تحياتى لحضرتك

  34. قوس قزح says:
    31 أغسطس 2008 في 6:16 ص

    يارب
    كلما طرق هذا العبد بابك
    أفتح له كنوزك
    و سخر له عبيدك
    و ابسط له رحمتك
    اللهم اجعله من الصائمين القاثمين
    الركع السجود
    و بارك له فى شعبان و بلغه رمضان
    فى يسر و سلامة و امان
    اللهم امين

    كل سنة و انت الى الله اقرب

  35. محمد فاروق الشاذلى says:
    1 سبتمبر 2008 في 1:53 ص

    كل رمضان وحضرتك بخير
    اللهم بلغنا ليلة القدر واجعلنا من عتقاء هذا الشهر