فى وسط الزحام


فى وسط الزحام ..


بدور على اللى تاة ..


بصرخ بأعلى صوتى ياولداة ..


الضمير تاة..


يرد علية ..


كل اللى القاة..


يقولى هنا الضمير تلقاة ..


ادخل فارد صدرى وامشى معاة ..


القاة ..


ضميره يبيعه للى ايده سخيه


وفاتح مصلحة بلدة تكية ..


اقول لا حول ولا قوة
الابالله


* * *


فى وسط الزحام ..


لقيت كلام جميل ..


ناس بتتكلم ماشاء الله بالدين ..


قال الله وقال الرسول ..


قلت اكيد دول للضمير دليل ..


حمشى معاهم وابعد عن كلام الجهال ..


لقيت الافعال غير الاقوال ..


ولقيت الضمير عاطل ..


رجعت اقول لاحول ولا قوة
الا بالله


* * *


فى وسط الزحام


اسمع الاخبار ..


انفجار ف لبنان ..


وف العراق كام الف قتيل ..


وف فلسطين كل يوم كام شهيد ..


وابص فى الوشوش ..


الكل عامل ودن من طين وودن من عجين ..


الكل بايع القضية ..


ولا همة شمال ولا يمين ..


بس بيقول لمصلحتة امين ..


ارجع واقول لاحول ولا قوة
الا باللة


* * *


فى وسط الزحام ماحدش سامع حد ..


الكل بيقول مصلحتى وبس ..


فضلت اهاتى ..


واصرخ بأعلى صوتى ..


ياولداة .


الضمير تاة

  • Digg
  • Del.icio.us
  • StumbleUpon
  • Reddit
  • Twitter
  • RSS

25 Response to "فى وسط الزحام"

  1. كـــيــــــــارا says:
    27 أكتوبر 2008 6:11 م

    بوست مؤلم اوي اوي اوي اووووووووووي

    فى وسط الزحام

    اسمع الاخبار ..

    انفجار ف لبنان ..

    --------

    كلامك بيقتل

  2. yoyo says:
    27 أكتوبر 2008 11:24 م

    استاذ طارق

    بس واقعى جدا رغم مابه من الم

    القاة ..



    ضميره يبيعه للى ايده سخيه



    وفاتح مصلحة بلدة تكية ..



    اقول لا حول الله


    ماهو دى بقى الحال النفاق والمادة بقت بتاثر على كل شئ حتى الضمير والاخلاق


    فى وسط الزحام ماحدش سامع حد ..



    الكل بيقول مصلحتى وبس ..

    اه على راى المثل انا ومن بعدى الطوفان لو خوفنا على بعض وحبنا بعض وعرفنا ان المصلحة واحدة يمكن حالنا يتصلح بس

    كلمات صادقة ومن القلب رغم انها مؤلمة اوى اوى
    تحياتى
    يويو

  3. قلب مصرى says:
    28 أكتوبر 2008 3:31 ص

    ماعنديش تعليق على البوست لأنه وجعنى رغم إن اللى اتقال فيه بنشوفه كل يوم،
    لكن تعليقى على كلمة (لا حول الله) كنت سمعت مرة فى خطبة الجمعة إن الصيغة دى غلط وإن الصيغة الصح (لا حول ولا قوة إلا بالله)

    تقبل تحياتى

  4. kochia says:
    29 أكتوبر 2008 5:27 ص

    حاسة انك لخصت حياتنا كلها
    اللي عايشينه
    اللي عاجبنا واللي مش عاجبنا
    واللي مجبرين عليه
    الضمير
    الحروب
    استخدام الدين

    حسيته اوي البوست ده
    متميز جدا

    تحياتي

  5. ماما أمولة says:
    29 أكتوبر 2008 4:03 م

    لا حول الله

    تفتكر مهما صرخنا بعزم ما فينا

    حد هايبصلنا ولا حتى ها يفكر فينا

    الله المستعان

    سلام

  6. اهو ده عيبه says:
    29 أكتوبر 2008 5:56 م

    ياه يا استاذ طارق
    ده انت شايل جواك كتير

    بس المحزن ان مهما قولنا او اتكلمنا حناخد وقت طويل قوى على ما نقدر نغير او نتسمع للاسف

    تحياتى لك

  7. nour shahen says:
    31 أكتوبر 2008 6:40 ص

    ليك حق فى كلمه كلمه كتبتها يا أستاذ طارق وللأسف مينفعش نقول عليه غير حسبنا الله ونعم الوكيل ولنا الله

    بس حضرتك ممكن تغير لا حول الله لأنها متنفعش تتقال كدا يبقى حرام
    لازم نقول لا حول ولا قوة الا بالله
    وعامة هى لو اتغيرت مش هتغير او تسقط نغمة الكلمات ابدا بس هنبقى كسبنا معناها ولغينا الخطأ

    بشكرك جدا علي مشاركتنا لندائك للضمير

  8. حسام وريمان فى هاكونا مطاطا says:
    31 أكتوبر 2008 12:15 م

    السلام عليكم

    بجد بوست مؤلم حرك قلوبنا كلنا

    بجد احييك على الكلمات والاحساس ده

    ما شاء الله اسلوبك حلو

    مع تحياتى

    من حق
    كان فى ملحوظه صغيره

    بلاش تقول لا حول الله

    المفروض تقول لا حول ولا قوه الا بالله

    لان الحول معاناه القوه

    فلما تقول لا حول الله يعنى معناها لا قوه لله

    وده حرام
    فلازم نقول لا حول ولا قوه الا بالله
    لازم تقول كلمه " الا " دى اداه استثناء

    مع تحياتى

  9. رؤية says:
    2 نوفمبر 2008 6:49 ص

    لا حول ولا قوة الا بالله

    لم نرى منك سوى كل الخير

    بوست رائع رائع

    تحياتى لك

  10. د.توكل مسعود says:
    2 نوفمبر 2008 1:02 م

    الحكمة تقول :
    الكلاب تعوي .. والقافة تسير

    والشاعر يقول:
    لو أن كل كلب ألقمته حجرا ً .. لصار الحجر مثقالاً بدينار

    استمر والله معك يحفظك ويحميك ..

    وعلينا جميعا ً أن نتذكر قول الله تعالى :" يا أيها الذين آمنوا إذا جاءكم فاسق بنبأ فتبينوا عسى أن تصيبوا قوماً بجهالة فتصبحوا على ما فعلتم نادمين " صدق الله العظيم

  11. نهر الحب says:
    2 نوفمبر 2008 3:22 م

    اه
    استاذ طارق مش هقولك اكثر من ان الثمار المثمرة هى ما تقذف بالحجارة
    وان الكلاب تعوى والقافلة تسير
    انسى

  12. ن says:
    3 نوفمبر 2008 9:34 ص

    السلام عليكم
    اللهم إنا نجعلك فى نحورهم ونعوذ بك من شرورهم
    عليك بهذا الدعاء وأنا ممن يتابعونك بإستمرار ولم أرى منك الا حسن الخلق
    أكتب لك من مدونتى الجديدة
    مع خالص تحياتى
    أمل فتحى عزت

  13. ن says:
    3 نوفمبر 2008 11:14 ص

    السلام عليكم ورحمة من الله وبركاته
    تحياتى إلى كل المدونين الجادين وأتمنى أن يشاركونا الرأى والأجتهادات للخروج من تخبط الأراء التى كثرت عن الدين ودرء الشبهات التى تلصق الى الأسلام بتصيد بعض الأخطاء التى الصقت ببعض المفاهيم ..وعبر هذه المدونة علينا أن نبحث فى مصداقية الروايات السابقة وتخير الأجتهادات الحالية بما يخدم الأسلام وقضاياه .
    مع خالص تحياتى
    أمل فتحى عزت

  14. ~*§¦§ Appy §¦§*~ says:
    3 نوفمبر 2008 11:22 ص

    طارق
    بعيد عن البوست الهايل
    التحديث قولها tooooooooooooz فيكي ولو عاوز روح ادي ايميلها لمباحث النت او ابعت لهم الحكايه على موقع الداخليه اقسم لك بيهتموا وهيجبوها لو فى بيتها او في سيبر حتى لو على موبيل انت راجل محترم واحنا عارفينك وفهم مراتك الكلام ده اوعي حاجه تهزك مش هيجي اكتر من اللى اتعمل معايا ولا هزني وانا بنت

  15. ماما أمولة says:
    3 نوفمبر 2008 3:10 م

    يا ابن بلدي

    قول حسبي الله ونعم الوكيل

    وكفى

    والله المستعان

  16. ايوية says:
    4 نوفمبر 2008 1:13 ص

    تحياتى ليك
    استمر فى التعبير عن رايك والله مع كل انسان لا يغضبة وسيقف بجوارك

  17. ن says:
    4 نوفمبر 2008 5:42 ص

    إعلان هام
    إنتظرونا فى الرد على القمص زكريا بطرس ..فيما يخص شن حملته المشهورة على القرآن الكريم وسيرة الرسول صلى الله عليه وسلم .. ستكون هناك إجابات دقيقة بإذن الله على بعض الشبهات التى زعم أنه أمسكها من القرآن الكريم كتاب الله الأمر هام ونريد مشاركتكم
    فهذا كتاب الله والامر ليس متروكاً لما يندرجون تحت مُسمى رجال الدين وحسب فالدين دين المسلمون جميعاً وعليهم المشاركة الفعلية والرد العقلانى المستنير .. سنجتهد قدر المستطاع فهذه رسالتنا جميعاً

  18. بحب كل الناس says:
    4 نوفمبر 2008 11:49 ص

    افتقد مقالات حضرتك المؤثرة بس بعد هذا الغياب ارجع على هذه الالم

    واسف على عدم التواصل

    لك كل الحب والتقدير
    استاذنا الفاضل

  19. ن says:
    5 نوفمبر 2008 6:22 ص

    السلام عليكم يا أستاذ طارق
    وجه معى الدعوة الى كل المدونين الذين يزورون مدونتك وعلى كل من يستلم
    الدعوة فى مدونته أن يدعو بها مدونين آخرين لكى نقوم جميعا بالرد على حوارات زكريا بطرس فى حق كتاب الله والنبى صلى الله عليه وسلم
    أدخلوا الى مدونة نون ستجدون اليوم أول رد ..انصفوا كتاب الله وانصروا الله من خلال مشاركتكم
    أمل فتحى عزت

  20. د/ رامي شهاب الدين says:
    6 نوفمبر 2008 3:50 ص

    الكلام بيحمل مرارة غير عادية


    بس أرجع وأقولك كل ليل ووراه نهار باذن المولى

    دمت بكل خير .. تحياتى

  21. Rania says:
    6 نوفمبر 2008 11:03 ص

    كلماتك على الرغم من روعتها الا انها موجعه حقا
    توجع الالم و تؤلمه
    و ذلك لانها حقيقه واقعه

    تحياتى

  22. جمعاوي صاحب "عيادة أسنان" says:
    6 نوفمبر 2008 2:32 م

    السلام عليكم اخى طارق
    بص يا سيدى مبدأسا ولا يهمك م نالكلام ده طالما احنا اولا واثقين فيك لاننا فعلا عمرنا ما سفنا منك حاجة غلط وانت الحمد لله واثق فى نفسك يبقى خلاص اما بقى بالنسبة لزوجة حضرتك فياريت تشرح ليها الموقف بهدوء وتشركها معك فى الحل والحمد لله
    لما انت حضرتك كده لى المدونات يبقى اكيد انت معاملتك الطف من كده بكتير على الطبيعة

    واستعن بالله ولا تعجز

    دمت لنا بكل خي وربنا يطمنا عليك يارب ويلا سلام

  23. وومن says:
    6 نوفمبر 2008 4:23 م

    ا / طارق

    تحياتي للبوست الهايل

    وبجد حاجة تحزن بقي اسهل حاجة رمي الناس بالباطل او اتهامهم في سمعتهم

    اللي عندة دليل مش محتاج يهدد واللي شايف حد غلط مس محتاج يهدده الأول

    فلحيا مبدأ طظ

  24. damylove says:
    6 فبراير 2009 3:34 ص

    كلامك كله نغم وحاسة فيه بالشجن لكن بكرة اكيد هيجى اللى يمحى الألم

  25. damylove says:
    6 فبراير 2009 9:57 ص

    ليندا
    كلامك كله نغم وحاسة فيه بالشجن لكن اكيد بكرة هيجى اللى يمحى الألم