ولا عزاء للمسلسلات العربيه



تبارت التلفزيونات العربية في عرض المسلسلات في شهر رمضان كالعاده ألا أن مسلسل واحد خطف الأضواء من مسلسلات الشهر الكريم .. وسقط نجوم الدراما جميعا نور الشريف ويسرا ويحيى الفخرانى والهام شاهين واحمد رزق وعبلة كامل وحسن حسنى وفيفى عبده أمام بطلي المسلسل .. كما أن المسلسل الذي اقصد حصل فى جميع الاستفتاءات على المركز الأول في السيناريو والأداء والإخراج .. كما أن جميع المسلسلات التي عرضت في رمضان يستطيع المشاهد التنبئ بنهاياتها بسهوله ألا هذا المسلسل وبذلك يستطيع التلفزيون المصري من عرض مسابقات توقع لنهاية هذا المسلسل على طريقه توقع نتائج مباريات الكرة .. المسلسل خرج عن مألوف مسلسلات رمضان فليس فيه تكرار أو حوارات عقيمة أو سطحيه أو أفكار ساذجة أو معلبة .. المسلسل بدأ بالإثارة وكفى انه خطف الأضواء من المسلسلات التركية والسوريه والمصريه .. المسلسل بطوله رجل الأعمال المصري هشام طلعت مصطفى والنجمة سوزان تميم والذي شاء القدر أن يكتب على افيشهات المسلسل النجمة الراحلة .. الكل تابع القصة من أولها وكانت لجريدة الطريق المصرية السبق في القصة وعرضها وكانت لها السبق في تصوير أول مشاهدها ورغم أن البداية مثيره ألا أنني اعتقد أن النهايه ستكون اكثر إثارة فكل المشاهدين لا يتوقعون النهاية .. هل هي البراءة التي تعودنا أن تكون من حظ رجال الأعمال المسنودين .. أم الحبس .. أم الإعدام .. واعتقد أن الأخيرة شبه مستحيلة رغم انه المحرض على الجريمة .. وأي كانت النهاية فأن المسلسل يبقى الأكثر مشاهدة ومتابعة وتحليل على ساحات الأعلام المقروء والمرئي والمسموع رغم مسلسل الدويقه والتي كانت حلقاته اكثر مرارة واكثر حزنا وألما وقسوة ألا أن محتواة معاد فليست المرة الأولى ورغم ذلك شارك المسلسل الأول الاهتمامات والمتابعة ونسى الجميع المسلسلات التي لم تقدم جديدا على شاشات التلفزيونات العربية .. ولا عزاء للمسلسلات العربية
ملحوظة أخيرة
بعد نجاح المسلسل الأول لفضائح رجال الأعمال والتي بدأت جريدة ( الطريق )نسج خيوطه
اعتقد أن كل رجل إعمال على رأسه بطحه بيدعى اللهم اكفني شر( الطريق)

  • Digg
  • Del.icio.us
  • StumbleUpon
  • Reddit
  • Twitter
  • RSS

41 Response to "ولا عزاء للمسلسلات العربيه"

  1. Unknown says:
    22 سبتمبر 2008 في 10:01 ص

    عارف حتى لو كان برئ لا يمكن حد يصدق الموضوع دا بسبب احكام البراءة السابقة
    التى صدرت فى حق كل من ازهق ارواح المصريين
    يعنى احنا كلنا عندنا حصانة
    موضوع مهم استاذ طارق
    تحياتى

  2. Maha Shahen says:
    22 سبتمبر 2008 في 10:17 ص

    اصلا انا عايزه اعرف هنجيب وقت منين نتابع كل المسلسلات دى علشان نقيم دا الاحسن او دا
    انا ريحت نفسى ولما يسعدنى حظى واقعد قدام التليفزون اللي يجى قدامى بتفرج عليه وافهم او مفهمش الموضوع ادينى بضيع وقتى وخلاص
    وكل مسلسلات رمضان اظن انها مش شيء مشرف كلها ممله وقصص رخمه ونادر لو اتفقنا علي ان مسلسل واحد كويس وليه هدف مش مجرد رغى بيملو بيه ال 29 حلقه وفى اخر حلقتين يكروتوا الاحداث وتلاقيه خلص
    يلا مش مشكله الاهم انى معجبه جدا بمتابعتك الهايله للموضوع والتحدث فيه بكل لباقه
    خالص تحياتى

  3. ضــى القمــر says:
    22 سبتمبر 2008 في 10:57 ص

    اخى طارق ..

    الغريب ان المسلسل ده الوحيد اللى متابعتوش .. ولا همنى اعرف أخر اخباره بصراحه ..
    يمكن لأن الموضوع كثر الكلام فيه جداا .. لأنه بطله من فئه رجال الاعمال .. وبطلته مطربه معروفه .

    اتمنى ان الحق هو اللى يبان .. الحق مش التلاعب بالقوانين وبالشهود وبالنصوص .

    اللهم عافينا واياكم من كل شر
    واحسن خاتمتنا أجمعين
    أمين امين يارب العالمين

    شكرا لك اخى ..
    بوست جميل .. شديت انتباهنا لشىء ثم تكلمت عن موضوع أخر تماما ..
    عن جد سلم فكرك يا اخى

  4. نـــــور says:
    22 سبتمبر 2008 في 11:35 ص

    سبحان الله يااستاذ طارق
    تقريبا اا الوحيده فى مصر اللى مش تابعت المسلسل ده
    ده انا حتى ماسمعتش عنه غير بعدها بفتره!!!!

    ماعلينا
    لا داع للعجب يااستاذ طارق
    مش جديد
    خحادثة الدويقه حصل زيها كتير
    الناس خلاص اخدت عالمصايب دى
    انما حادثه سوزان تميم وواحد من اكبر رجال اعمال مصر مش بتحصل كل يوم
    فلازم الناس تتابعها
    عادى يعنى

    تحياتى وكل سنه وحضرتك بخير

  5. kochia says:
    22 سبتمبر 2008 في 12:31 م

    بس هي دي القصة الاكثر اثارة
    لانها الاكثر واقعية

    ياتري الصح ايه
    الله اعلم

    تحس انها قصة ملتوية جدا ملهاش اول من اخر او علي الاقل مش اي حد يفهم كل الملابسات منهم انا
    الحكاية اولها واخرها بين المال والجنس والانتقام

    نتابع احسن المسلسلات الظريفة بتاعتنا اللي هنشوف لها نهاية

    تحياتي

    تفتكر ممكن يكون مسلسل مكسيكي مترجم ؟؟؟

  6. محمد فاروق الشاذلى says:
    22 سبتمبر 2008 في 1:14 م

    المسلسلات المصرية دائما ما تخطف الأضواء من غيرها ولهذا جاء مستوى مسلسل هشام وسوزان متألقاً وخاطفا للأضواء.
    ومصر لا تنتهى مسلسلاتها ومسلسل الدويقة ومسلسل هشام وسوزان ومسلسل العبارة والبراءة وغيرها من المسلسلات ليست جديدة على مصر.
    ولاننسى أهم المسلسلات القادمة وهو مسلسل مصر والوريث.

  7. Desert cat says:
    22 سبتمبر 2008 في 2:16 م

    طبعا احنا الاصل يا استاذ طارق
    فحدث وسط احداث المسلسل ماهو مؤسف للغاية حداث الدويقة ولكن حتى هذا بالرغم من فداحه الحدث الا ان بطل وبطلة المسلسل مازلا طاغيان ودورهما هو البارز اتوقع النهاية قريبة جدا
    القاضى ينطق ببرائه هشام ومحسن ويقوم يجرى من على المنصه كسابقتها

  8. أكون أو لا أكون says:
    22 سبتمبر 2008 في 2:42 م

    إن تم تبرأته من الجريمه... فكيف سيتبرأ من علاقته بالفنانه ... وإن لم تكن العلاقه خاصه جداً... لما أتهم بتورطه بالجريمه...

    ربما سيكون هذا درس جيد له... حتى يحافظ على مركزه الإجتماعي والأخلاقي قلباً وقالباً...

  9. mahasen saber says:
    23 سبتمبر 2008 في 2:06 ص

    اخى الفاضل...استاذ طارق
    عجبنى قوى البدايه مشوقه جدا جدا ورائعه زالاجمل ربطك وتشبيهك الجميل للحادث البشع ده وباثارته بانه زى مسلسلات رمضان من حيث ان مفيش حد مننا مفكرش حتى يقرا كلمه عنه..
    بس النهايه اعتقد مش هتخرج عن اليى حضرتك قولته براءه..
    وبرغم فساتينها على فكره انا حزينه عليها بجد لانها روح اولا واخيرا وحرام تبقا نهايتها بالبشاعه اليى قرينا عنها دى..
    كالعاده بوست رائع رائع واسلوب كتابى مبهر..

  10. mahasen saber says:
    23 سبتمبر 2008 في 2:08 ص

    بعدين بقه انا اهديت لحضرتك تاجين
    ليه مخادتهمش عشان تجاوبهم ولا جاوبتهم ولا مش عايز تيجان واسئله
    فكلتا الحالات الاخوات بيعبروا بعض ويقولو سبب الرفض او الموافقه..
    طبعا اننا بهزر حضرتك على دماغى من فوق..

  11. Unknown says:
    23 سبتمبر 2008 في 2:24 ص

    السلام عليكم ورحمة الله وبركاته
    مسلسل معاد ومكرر للاسف الشديد والبركة فى المال السايب لما يجى بالساهل اوى ويقترن معه بالتكريم والتعين فى المجالس النيابية وفى نفس الوقت تقليص حصص الدين فى المدارس والبرامج الدينية
    والتهكم على كل من له لحية (او قال الله وقال الرسول )فى وسائل الاعلام والتنكيل بالشباب الواعى والمتمسك بدينه فى غياهب المعتقلات وغيره وغيره
    قلبت علينا المواجع ياأستاذ طارق!!!

  12. yoyo says:
    23 سبتمبر 2008 في 3:14 ص

    استاذى العزيز / طارق
    ابدعت والله فى عرض الفكرة بشكل كله تشويق على طريقة المسلسلات الرمضانية

    الحمد لله لم اتابع اى مسلسل
    بقوا كتييييييير اوى يعنى هنتفرج على ايه ولا ايه وكمان هنجيب وقت منين لكل دا الحمد لله بقى الوقت اللى موجود عندى بحاول اقضيه فى شىء تانى

    المسلسل اللى حتى الان بنجهل نهايته وان لم تكن معروفة بشكل ما يدور على المحاور الثلاثة
    1-السلطة والنفوذ 2- الشهوة والجنس
    3-المال وانعدام القيم

    حلقات كتيييير اوى مفقودة من المسلسل دا وصدقنى حتى لو اخد البراءة ودا المتوقع مش هيكون صعب يعنى اعتقد احنا شفنا مسلسلات زى كدا كتيير
    وبعدين رغم كل دا اعلانات شركاته مشاء الله فى التليفزيون لا وايه بكل قوة وبصورة مكثفة ولا كانه متورط فى قضية ولا اى حاجة

    تسلم ويسلم قلمك للاثارة ذلك الموضوع

    دمت بكل خير
    تــحياتى
    يويو

  13. Empress appy says:
    23 سبتمبر 2008 في 3:30 ص

    انا خلاص مش متابعه انا بحب الدياسطى وبسنت ايه رايك فيهم مش اجمد ههههههههههه




    على جنب بلاش صورها تاخد انت ذنبها لانها ماتت انا مش عارفه حلال ولا حرام بس قلبى بيوجعنى لما حد يعرض صور لحد توفى او اتحجب قبل الحجاب يعنى بشعره وعريان

    كل سنه وانت طيب
    والمسلسل لسه كتير عليه

  14. ميرا ( وومن ) says:
    23 سبتمبر 2008 في 5:39 ص

    المسلسل ده من اول حلقة بايخ ودمة تقيل وناس كترت فيه الكلام زيادة عن اللزوم

    وكل واحد طالع بكلمة

    ربنا يهدي ويكفينا شر المسلسلات

    كل سنه وانت طيب

  15. Jhennifer Cavassola says:
    23 سبتمبر 2008 في 6:18 ص

    Hi!
    This series should be very good at?
    Love came here!

    SALAM WA ALEIKUM WA ARAHMATULLAH WA BARAKATUHU WA JAZAKUM ALAHU ALFA KHAIR

  16. Gannah says:
    23 سبتمبر 2008 في 7:15 ص

    أستاذ طارق
    كل عام وأنت بخير
    الحقيقة انا ليا عندك رجاء
    يا ريت بلاش الصور من النوعية دى لا للأحياء ولا للأموات
    أنا عارفة ان حضرتك ليك هدف توضيح وجهه نظرك لكن أنا أخشى أن تأخذ ذنب كل من ينظر اليها
    اعذرنى لكن أنا معتاده على الصراحة مع كل الناس لكن اكتر مع أهل بلدى لأنهم هيفهمونى صح...مش كده
    أما بقى موضوع هشام طلعت مصطفى فأنا متلخبطة ومش عارفة ايه الصح وايه الغلط
    ربنا يستر على بلدنا
    الواحد مش عارف احنا رايحين فين
    يا ريت متزعلش منى
    تحياتى

  17. اهو ده عيبه says:
    24 سبتمبر 2008 في 5:10 م

    ازيك يا استاذ طارق

    بجد ده مسلسل الموسم وكل موسم
    ويمكن يهمنا نتابع تطوراته اكتر من غيره ولو انى متوقعه النهاية من دلوقتى
    انه حيطلع برئ براءة الذئب من دم ابن يعقوب ويلبسها اى حد تانى
    خصوصا انهم بيشككوا دلوقتى فى اجراءات القبض على القاتل وهل ياترى كان رايح يقتلها ولا يراقبها ؟
    ومش بعيد يطلعوه قتلها انتقاما من هشام طلعت

    عموما محدش يقدر يعرف المفاجاه اللى حتحصل فى نهاية الاحداث لان بعد قضية العبارة مبقاش فيه حاجه ممكن تفاجانا

    تحياتى لك

  18. سميرة says:
    26 سبتمبر 2008 في 10:54 ص

    استاذ طارق
    كل عام وانت بألف خير
    المسلسل اللي حضرتك بتتكلم عنه احنا خلاص اتعودنا عليه وعلى كتير غيره، بس ياترى الحقيقة فين؟
    لا اعتقد ان احد سيعرف ماذا سيحدث او ماذا حدث ؟؟
    بس انا لا اهتم بمعرفة احداث هذا المسلسل اطلاقاً...
    دمت بكل خير

  19. Rania Lelah says:
    28 سبتمبر 2008 في 4:34 م

    مسمسل مقزز و محرج و مؤسف
    خلى شكل مصر وحش قوى
    و مقارنتها بدبى بقت على الملا

  20. Gannah says:
    28 سبتمبر 2008 في 7:06 م

    شكرا يا أستاذ طارق
    وسعيدة جدااا انك مش زعلان
    كل سنة وانت بالف خير
    تحياتى

  21. Gannah says:
    29 سبتمبر 2008 في 11:29 ص

    كل عام وانت بخير أستاذ طارق
    عيد سعيد
    تحياتى

  22. Unknown says:
    29 سبتمبر 2008 في 11:39 ص

    السلام عليكم ورحمة الله وبركاته
    كل سنه وحضرتك والاسرة الكريمة
    بالف خير ياأستاذ طارق.

  23. dina seliman says:
    29 سبتمبر 2008 في 5:53 م

    عيد سعيد عليك
    وكل سنه وانت بالف خير
    وان شاء الله السنه الجايه احسن

  24. غير معرف Says:
    29 سبتمبر 2008 في 7:27 م

    استاذي شكلك سبت مكتوب خالص

    بتمنى تكون قريب مننا وجيت احمل امنيات بالخير وعيد اجمل ان شاء الله

  25. غير معرف Says:
    29 سبتمبر 2008 في 7:28 م

    انا منى (( نوتيللا))

  26. Unknown says:
    29 سبتمبر 2008 في 10:50 م

    اللهم زد هـــــــذا الوجه نورا
    واجعله دائـما مأجورا
    وبلغه العيد مسرورا
    امين يارب العالمين
    عيد سعيد

  27. مجداوية says:
    30 سبتمبر 2008 في 7:39 ص

    السلام عليكم
    كل عام وأنت بألف خير أخى الكريم وعيد سعيد ان شاء الله
    ولا أعرف لماذا لم تعد تأتى لزيارة مدونتى فلعل المانع خيرا

    الحمد لله الذى عافانى ولم أعد أشاهد أى مسلسلات فكما قلت فقصص الحياة اكتسحت
    وطغت ولو نظرت الى الشارع المصرى قليلا فستجد عشرات المسلسلات

    كل عام وأنتم بخير

  28. اهو ده عيبه says:
    30 سبتمبر 2008 في 1:57 م

    كل سنة وانت طيب
    وعيد سعيد ان شاء الله

  29. الملاك says:
    30 سبتمبر 2008 في 3:47 م
    أزال المؤلف هذا التعليق.
  30. الملاك says:
    30 سبتمبر 2008 في 3:48 م

    السلام عليكم ورحمة الله وبركاته

    اللهم أرحمنا برحمتك التى وسعت كل شئ وثبت قلوبنا على دينك ولا تاخذنا بما فعل ويفعل السفهاء منا

    كل عام وانت بالف خير أخى فى الله بمناسبة عيد الفطر المبارك أعاده الله علينا وعلى الأمة الأسلاميه باليمن والبركات

    دمت اخى برعاية الله

  31. أمل فتحى عزت says:
    30 سبتمبر 2008 في 5:34 م

    أستاذ طارق
    كل عام وحضرتك بخير بمناسبة عيد الفطر المبارك أعاده الله علينا وعلى الامة الاسلامية بخير
    كما أحب أن أهديك هدية مصرية بمدونتى بمناسبة العيد
    مع خالص تحياتى

  32. mahasen saber says:
    1 أكتوبر 2008 في 12:39 ص

    عيد سعيد ..يا استاذ طارق
    وكل سنه وحضرتك واسرتك
    وكل من تحب ..بالف
    الف خير وسلاموصحه وستر...
    عيد سعيد كمان مليون مره وربنا يجعل ايامك كلها اعياد..

  33. علي محـمــــــد says:
    1 أكتوبر 2008 في 8:15 ص

    ألســـلام عليكم ورحمة الله وبركـاتـه

    كــــل عام وأنت ومن تحب بمليون خير إن شاء الله

    وعيد سعيد :)

    في أمان الله

    العيديه على الرابط

    http://4.bp.blogspot.com/_lFYBysJasVA/SOIYIuk9wuI/AAAAAAAAAJE/65p_qyVL6Xg/s1600-h/29-09-1429+05-46-35+%D8%B5.png

  34. Unknown says:
    1 أكتوبر 2008 في 11:26 ص

    السلام عليكم و رحمة الله و بركاته ..
    أستاذ طارق..
    انا جاية اعيد على حضرتك ..
    و اقولك عيدك مبارك و كل ايامك سعيدة باذن الله..
    اعاد الله رمضان عليك اعواماً عديدة ..
    كل عام و انت بكل الخير.

  35. رندا says:
    1 أكتوبر 2008 في 2:02 م

    جيت اقولك

    كل عيد وانت طيب وبخير

    اللهم بلغنا رمضان المقبل يارب

    وكل عام واسرتك بخير

    رندا

  36. kochia says:
    1 أكتوبر 2008 في 2:23 م

    كل سنة وانت طيب اخي الكريم
    اعاده الله بكل الخير

    وفي انتظار جديدك
    تحياتي

  37. موناليزا says:
    1 أكتوبر 2008 في 3:41 م

    كل عام وانت بخير بمناسبة عيد الفطر المبارك اعاده الله علينا بالخير واليمن والبركات

  38. أنا حر says:
    1 أكتوبر 2008 في 5:32 م

    المسلسل ده مش عرض اول على فكرة كل يوم في مسلسل جديد لفساد رجال الاعمال في مصر
    ربنا يكفينا احنا شر رجال الاعمال والطريق مع بعض
    تحياتي

  39. أمل حمدي says:
    1 أكتوبر 2008 في 10:41 م

    كل سنة وانت طيب

    عيد سعيد عليك

    موضوع مهم

    تقديري

  40. امل says:
    2 أكتوبر 2008 في 7:12 ص

    السلام عليكم ورحمة الله وبركاته
    كل سنة وحضرتك طيب يا استاذ طارق ويارب عيد سعيد عليك وعلى كل احبابك

  41. ابو العربى says:
    2 أكتوبر 2008 في 10:46 ص

    والله ما حد فاهم حاجه والدنيا بايظه يتحبس ولا ميتحبسش فى غيره احق بالحبس نفسى اشوفها فى احمد عز
    مش وقته الكلام ده متعصبونيش
    كل عام وانتم بخير
    وعيد سعيد