بورسعيد .. تحاصرها القمامه


استبشر أهالي بور سعيد خيرا بقدوم المحافظ .. مصطفى عبد اللطيف وفعلا لمس الجميع مدى نشاطه بعد استلام مهامه ولمسنا نظافة المدينة وكم الأعمال بها ألا أن ما وصل له الحال ألان فاق كل التوقعات وأصبحت بور سعيد تمتلئ بالمشاكل التي سببها الخدمات و أولها النظافة .. فبور سعيد أصبحت سله مهملات كبيرة ولا فرق بين شارع رئيسي وأخر جانبي وحتى لا أكون مبالغا اترك بعض الصور تتكلم عن الحال المزري التي وصلت له شوارع بور سعيد علما بأن هذه الصور من شوارع رئيسيه بالمدينة وحتى لا يتهمنا أحد بالمبالغة فلم نلتقط صورة من سوق أو من أماكن بها عشش .. وأهدى هذه الصور إلى السيد محافظ بور سعيد والسادة رؤساء الأحياء والمجالس المحلية محذرا من كارثة بيئته خطيرة في بور سعيد ومطالبا الجميع بسرعة التحرك
تحت كل عامود انارة تجد هذة الصورة

الشوارع غارقه فى مياة الصرف الصحى


يلجأ اصحاب المحلات والورش الحرفيه الى التخلص من القمامه بحرقها



فى كل ناصيه تجد هذة الصورة



لم نكن نرى هذة المناظر قبل التعاقد مع شركه سرفيس مصر



الصور لا تحتاج لتعليق



هذة شوارع رئيسيه




الصورة امام نادى جمعيه الشبان المسلمين وخلف حديقه سعد زغلول




قمامه وناموس وذباب وفئران تحاصر شعب بورسعيد



هذة الصور وغيرها الكثير قد تؤدى الى كارثه خصوصا ان القمامه تلقى بجانب اكشاك الغاز والكهرباء واحيانا يتخلص منها الناس عن طريق الحرق علما بأنها تحتوى على اخشاب ومواد بتروليه ونشارة خصوصا فى مناطق الحرفيين مما قد يتسبب فى حرائق وخسائر فى الارواح والممتلكات زيادة على الأضرار البيئيه والأمراض التى تتسبب فيها.
ولذلك نطالب أن تحول المبالغ المخصومه من شركه سرفيس مصر لعدم التزامها بالنظافه الى حساب الأحياء وذلك لخدمه المواطنين وعمل النظافه بدلا من أن توجه الأموال المخصمه الى حساب المحافظه .. كما يطالب أهالى بورسعيد بألغاء العقد مع شركه سرفيس مصر كما سبقتنا محافظات اخرى كالأسكندريه ويتم اسنادها لشركه محترمه تلتزم بالنظافه وببنود العقد وذلك حرصا على اعادة بورسعيد لوجها الحضارى المعرف عنها.
ملحوظه اخيرة
معظم النار من مستصغر الشرر
ومعظم الحرائق التى حدثت فى مصر
سببها الأستهتار ولا مبالاه
ماذا ننتظر حتى تتحرك ضمائرنا ؟





  • Digg
  • Del.icio.us
  • StumbleUpon
  • Reddit
  • Twitter
  • RSS

32 Response to "بورسعيد .. تحاصرها القمامه"

  1. kochia says:
    3 أكتوبر 2008 في 4:15 ص

    اخي العزيز
    اشكر غيرتك واهتمامك الحقيقي بمحافظتك الجميلة بورسعيد
    وهو اهتمام واجب علي كل مواطن في هذه المدينة ابتداءا بالاشخاص الذين يساهمون في زيادة هذه القمامة
    يعني الناس مش مفروض يرموا المخلفات كدة في اي حتة
    لكن طبعا شركات النظافة المسئولة المفروض تلم الحاجات دي كل يوم علي الاقل من الشوارع وتضع صناديق للقمامة بدل الرمي في الشارع كدة
    الحقيقة انا متحمسة جدا لموضوعك لان بورسعيد بلد بحبها وعشت فيها كتير ونص اهلي فيها لحد دلوقتي
    وان شاء الله الموضوع بتاعك يحقق هدفه

    تحياتي

  2. د. محمد رضا says:
    3 أكتوبر 2008 في 4:16 ص

    دا مش عنك بس

    دا مصر كلها مزبله كدا يا زعيم

    حاجه تغم النفس حقيقي

    قلبي معاكم


    عيدك سعيد

  3. جبهة التهييس الشعبية says:
    3 أكتوبر 2008 في 4:36 ص

    ايه ده ايه ده؟
    ليه كده؟ ده انا رحت بورسعبد من تلات سنين وكانت زي العروسة ونضيفة فل حتى في شوارعها الداخلية
    ايه اللي حصل هو المحافظ اتغير؟

  4. tarek alghnam says:
    3 أكتوبر 2008 في 4:39 ص

    العزيزة kochia
    انا معك ان المواطن له دخل بالمشكله ولكنه معذور
    قبل التعاقد مع شركات النظافه كان يمر على المنازل ( الزبال ) ويأخذ الزباله من البيوت مقابل جنيه شهريا
    وكنا لانجد هذا المنظر
    المفروض ان شركه النظافه تأخذ القمامه
    من البيوت يوميا ولا تترك اصحاب المنازل يلقونها فى الطريق
    عموما كان التلفزيون بيعمل توعيه للنظافه بدلها الان بأعلانات على السمنه والصابون
    كل سنه وانتى طيبه
    وشكرا زيارتك دائما تسعدنى

  5. tarek alghnam says:
    3 أكتوبر 2008 في 4:42 ص

    دكتور محمد رضا
    سعيد بوجودك بمدونتى المتواضعه
    كل عام وانت بخير
    عندك حق والله حاجه تغم النفس
    شكرا لك وسعيد بوجودك

  6. tarek alghnam says:
    3 أكتوبر 2008 في 4:45 ص

    جبهة التهييس الشعبية
    كل عام وانتم بخير
    هى مش مشكله محافظ
    هى مشكله تعاقد مع شركه مش بتحترم بنود العقد ولازم يبقى غيه تدخل حاسم
    من جميع المسئولين وليس المحافظ فقط
    عنوما هى بورسعيد لما زورتوها كانت منورة بيكم
    شكرا واتمنى تكرار الزيارة

  7. أمل حمدي says:
    3 أكتوبر 2008 في 7:15 ص

    اخي طارق
    هذه ظاهرة خطيرة لاحظتها في الاعياد والاجازات
    الصراحة اول مرة اشوف شركة متعملش ورديات
    الكل اجازة وتتحرق البلد باللي فيها
    ومين يشتكي ومين يسمع
    خلينا ها نقعد نتكلم لحد مانفسنا يتقطع ولا حد هايسأل
    الله المستعان

  8. tarek alghnam says:
    3 أكتوبر 2008 في 7:52 ص

    الفاضله ماما اموله
    المشكله من قبل العيد
    ومش فى الاجازات بس
    حضرتك بعد العيد امشى فى اى مكانحتلاقى نفس المناظر
    عدد العمال قليل بالشركه
    المعدات متهالكه
    انا رائيت سيارة نظافه تابعه للشركه
    ممون التانك جاز عن اخرة وليس للتنك غطاء والسائق واضع علبه سمن مكان الغطاء
    والجاز يقع على الارض والسيارة ماشيه
    والجاز نازل على القمامه
    بس ربنا اللى بيسترها وبعدين نقول الحرائق سببها ايه
    هو الاستهتار وبس
    تحياتى لكى
    ودمت بحفظ الله

  9. نـــــور says:
    3 أكتوبر 2008 في 8:20 ص

    استاذ طارق ازى حضرتك
    كل عيد وحضرتك سعيد يارب

    بس ليه اللى انا شفته ده د بوسعيد معروفه من يومها انها من احلى مدن مصر الساحليه
    يظهر خلاص مابقاش فى حاجه حلوة فى البلد خالص
    ربنا يصلح الاحوال ويهدى المسؤلين والناس كمان علشان تحافظ شويه عن كده

    كل سنه وحضرتك طيب

  10. mahasen saber says:
    3 أكتوبر 2008 في 11:26 ص

    يا خساره بقه مدينه زى بورسعيد ومكانتها وقيمتها التاريخيه تعامل كده بالاهمال ده ...
    الموضوع مش شركة زباله لا يا استاذ طارق يعنى فين دور المحافظه او مجالس المدينه مشفيها بلديه قادره على الاقلل لم واازالة الزباله ووضعها فى مكان معين لحين التخلص منها...
    اليى عايز يحل مشكله بيحلها دى محافظه يعنى مساحه معينه بعدد سكان معين
    مش التعامل مع قاره مش هيقدروا يتحكموا فى الحجم او المساحه
    ده بلد بعدد ومساحة الصين مسمعناش عنه عن مشكلة زباله
    بس الضاهر احنا فى مصر اتعودنا على المشاكل وصاحبنا اكياس الزباله فى الشارع وبقه كل شئ مش طبيعى عادى خالص...

  11. mahasen saber says:
    3 أكتوبر 2008 في 11:29 ص

    بس برغم لزباله واكياسها وريحتها الوحشه...واعادة التصنيع
    بقولك كل سنه وانتا واسرتك بالف خير
    وعيد سعيد عليك
    وعلى اسرتك
    وعلى كل من تحب
    وكل سنه وانتا بالف خير وصحه وستر وسلام
    وبورسعيد العيد الجايى تبقى عروسه من جديد ويبقى خلصوها من اكياس الزباله ومش وقعوها فى مشكله جديده...
    عيد سعيد...

  12. yoyo says:
    3 أكتوبر 2008 في 3:43 م

    استاذى العزيز

    جزاك الله كل الخير لغيرتك على مدينتك الجميلة بورسعيد اللى تستحق كل الاهتمام والتقدير

    بس العيب مش فى شركة الزبالة واهمالها بس فين المحافظ وفين المجالس المحلية والتنفذية والافلام دى كلها ولا هم مجرد مناظر وخلاص ووقت الحفلات والتصوير تلاقيهم يا فرحتى واقفين جنب بعض و الابتسامة على وشها

    فين ضمائر الناس دى ؟؟ مش خايفة من حساب ربنا للانسان مسئول عن رعاية ارواح بشر؟؟

    اعتقد الموضوع مش فى بورسعيد بس لا موجود فى محافظات كتير ومحتاج اهتمام ووقفة قبل ما بتطور الموضوع للاخطر من ذلك

    دمت بالف خير
    تحياتى
    يويو

  13. أكون أو لا أكون says:
    3 أكتوبر 2008 في 3:56 م

    كل عام وأنتم بخير...

    يبدو أن شركة النظافه لم تأتي لإزاله القمامه منذ مده... مما أدى لإمتلاء الحاويات... ثم لم يجد الناس مفر من رميها على الارض...حول الحاويه...

    حقا موضوع خطير... ومنظر مشوه للمنطقه...
    نتمنى أن ينتبه المسؤولون عن لهذا الأمر...
    جزاك الله خيراً...

  14. الحقيقة المصرية says:
    3 أكتوبر 2008 في 7:39 م

    يسعدنا زيارتكم الكريمه لموقعنا والمشاركه معنا كمحرر ومراسل بموقع الحقيقه المصريه لزياره الموقع والمشاركه معنا من هذا اللنك
    www.elhaqeqa.com
    كما يشرفنا نسخ كود رابط المدونه بموقعكم
    وستجد الكود بالمربعات الجانبيه بالموقع
    وكل عام وانتم بخير
    اسره تحرير الحقيقه المصريه

  15. محمد فاروق الشاذلى says:
    4 أكتوبر 2008 في 1:43 ص

    نسأل الله أن يزيح هذه الغمة عن بورسعيد العظيمة وأن تعود إلى سابق عهدها

  16. Unknown says:
    4 أكتوبر 2008 في 8:43 ص

    وقع مؤسف
    تحولت بورسعيد لمدينة ملئية بالمهملات والقمامة على نواصي شوارعها
    بعد ان كانت بلد تتسم بالنظافة والنظام مقارنة بغيرها من محافظات مصر
    ولا حياة لمن تنادى
    هل هذا هو النجاح
    ام الخطة الخمسية القادمة للمدينة !!
    لا اله الا الله

  17. ابو العربى says:
    4 أكتوبر 2008 في 10:17 ص

    اخى العزيز وبلدياتى
    والله الموضوع فعلا بقى مستفز جداا والله انا كنت متاخر فى دفع القمامه كانو بيخدو 6 جنيه وبعدين خلوها 7 وبعدين 8 وبعدين 9 وبعدين 10 وانا بردو الى برمى الزباله بتعتى وذى ما حضرتك عارف صناديق القمامه مفيهاش مكان فبضطر انى ارمى بجوار صندوق القمامه وعلى عينى يا بلدى والله
    ربنا يرحمنا قادر يا كريم

  18. Empress appy says:
    5 أكتوبر 2008 في 2:33 ص

    طيب ما تروحوا للمحافظ اعملوا شكوى فى شركه النظافه الخاصه انا عملتها فى التجمع ومشيوا وزى الالف ورحت لبتوع البيئه حاولوا توصلوا صوتكم لانهم اكيد مش هيقروا المدونه
    انا فعلا حزينه على ده ولعى اى مكان جميل يتبهدل
    كل سنه وانت طيب

  19. همس الاحباب says:
    5 أكتوبر 2008 في 8:05 ص

    اولا كل سنة وحضرتك طيب
    وعيد سعيد عليك وعلى كل اهل بورسعيد
    ثانيا :مشكلة الاهمال والقمامة اصبحت سمة مميزة بكل محافظات مصر اينما تذهب تجد اكوام من القمامة والمخلفات والسنة اللهب والدخان وتلوث بيئى فاق الوصف وشركات غير ملتزمة اطلاقا ببنود اى تعاقد ولا رقيب ولا حسيب فى تلك البلد
    تحياتى وتقديرى

  20. د/ رامي شهاب الدين says:
    6 أكتوبر 2008 في 8:40 م

    إنت بتتكلم عن بورسعيد؟؟


    طب إنزل العاصمة..القاهرة وهتشوف إللى عمرك ماشفته فى بورسعيد نفسها

    مصر كلها بقت زبالة للاسف

    حسبنا الله ونعم الوكيل

    دمتم بكل خير..تحياتى

  21. اهو ده عيبه says:
    7 أكتوبر 2008 في 7:24 ص

    ازيك يا استاذ طارق
    بجد حاجه مخجله ومؤلمة
    وانا باكد على كلامك لانى بشوف المناظر دى كا يوم وفى شوارع مهمه كمان مش مجرد شوارع جانبية
    اهمال تام من الشركة ده غير انى ساعات مش بلاقى الصناديق اصلا
    اتمنى تدخل المحافظ فى الموضوع والتعاقد مع شركة اخرى اكتر نظافه وانضباط
    تحياتى لك

  22. GiGi world says:
    7 أكتوبر 2008 في 1:07 م

    كل عام وحضرتك بخير الاول
    ثانيا ماتحاول تعمل حاجه حضرتك والمدونيني البورسعيديه اكيد تقدروا تعملوا حاجه
    يارب نخلص وتخلصوا من الزباله يااااارب

  23. ربع ضارب says:
    8 أكتوبر 2008 في 11:37 ص

    الغريب يا استاذ طارق ان الحكومة بتاخد فلوس على النضافة فردة وقالت انها على فاتورة الكهرباورغم من كده الناس معترضتش ولا شوفنا نضافة ولا حاجة ما نابهم غير قطعهم لارزاق الزبالين اللى كانوا بيفوتوا على العمارات زمان الله يرحم ايامهم متهيقلى ساعتها البلد كانت انضف نوعا ما

  24. Unknown says:
    8 أكتوبر 2008 في 1:24 م

    لأ لأ لأ ..
    أنا بحب بورسعيد جداً..
    و عشت فيها أحلى سنين حياتي ..
    و أكتر مكان برتاح فيه لغاية دلوقتي هو بورسعيد ..
    كفاية هواها ..
    و ناسها ..
    بورسعيد وحشتني اوي ..
    انا متضايقة من الصور دي جدا .. جدا..
    و الله عمري ماشوفت فيها المنظر دة ..
    و لا حتى جنب السوق !!
    خدوا بالكم منها أرجوكم ..
    زعلني يا استاذ طارق.

  25. غير معرف Says:
    9 أكتوبر 2008 في 3:24 ص

    كل عام وانت بخير أخي طارق ....

    ومبروك المدونة الجديدة فهذه الزيارة

    الاولى لي هنا. فرائعة جدا ً مدونتك ..

    تعبر عن مدونها واهتماته

    السامية ..وأحلى مافيها أيضا

    بورسعيد ...

    فعلى حد علمي ليست بورسعيد التي تحتاج

    فقط الى اهتمام ورعاية ..إنما نصف مصر

    و معظم الشعب لا يساعد ..فلماذا ترمى

    القمامة في الشارع ؟ حتى اذ لم توجد

    قمامات مخصصة...لأنها تجمعت وأصبحت

    كارثة بل تلوث حقيقي ...أشكرك على

    هذا الموضوع ...ولي زيارة مرة اخرى

    انشاءالله ...أختك روائية ..مدونتي

    مقتطفاتي الكتابية ...

  26. Ahmed Othman says:
    9 أكتوبر 2008 في 12:51 م

    كل اللي اقدر اعلق بيه

    ان كل ده طبيعي جدا

    كده اطمنت ان بورسعيد
    لم تتأثر بالاحتلال


    مش عارف الصراحة
    امتى هنحرر مصر من المصريين

  27. رؤية says:
    10 أكتوبر 2008 في 6:33 ص

    حقيقى امر مؤسف لان المشكلة دى جميع المحافظات تعانى منها
    حاجة مقرفة(عذرا للفظ)

    وربما تعالت الاصوات فتسمع!!!

  28. غير معرف Says:
    11 أكتوبر 2008 في 6:47 ص

    فى خلال الثلاثين عاما الماضية تعرضت مصر الى حملة منظمة لنشر ثقافة الهزيمة - The Culture of Defeat - بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
    هذه دراسة لمشاكل مصرالرئيسية :

    1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
    2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
    3- مشكلة تعمير مصر والتى يعيش سكانها على 4% من مساحتها.
    4 - العدالة الاجتماعية .. وأطفال الشوارع والذين يملكون كل شىء .
    5 - ضرورة الاتحاد مع السودان لتوفير الغذاء وحماية الأمن القومى المصرى.
    6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.
    ارجو من كل من يقراء هذا ان يزور هذا الرابط:

    http://www.ouregypt.us/culture/main.html

  29. ميرا ( وومن ) says:
    13 أكتوبر 2008 في 4:49 ص

    كل عام وحضرتك بألف خير وصحة مع انها متأخرة

    الموضوع بجد بقي خطير وبجد غيرتك علي مدينتك الجميلة شئ محمود ومتوقع

    لكن قبل ما توجه نداء حضرتك للسيد المحافظ اظن ان لازم النداء يبقي جماعي ما ضاع حق وراءه مطالب

    تحياتي

  30. Gannah says:
    15 أكتوبر 2008 في 3:12 ص

    أستاذ طارق
    عذرا لتأخرى فى التعليق
    أنا قرأت البوست من فترة لكن حصل شىء يومها اضريت أقفل قبل ما أعلق
    أنا فعلا ابتديت ألاحظ ان بورسعيد اللى كانت مشهورة بالنظافة اصبحت مش كده خالص
    طبعا الشركة واضح انها مقصرة جداا بالاضافة للسلوكيات الخاطئة من الناس احيانا
    وبصراحة الصور دى كفيلة بالغاء عقد الشركة لان ده معناه انها مش بتعمل اللى المفروض تعمله
    وربنا يستر وفعلا ميتسببش الاهمال فى حريق
    كيف حال بابا أبو خالد؟؟
    من فضلك بلغه سلامى
    تحياتى

  31. ايمان العرفاوي says:
    17 أكتوبر 2008 في 12:29 م

    ازيك يا استاذ طارق انا زعلانة انك مش بتسال على كل انا كنت فى عمرة عقبالك يارب
    سعيدة بموضوعك جدا لانى فى قمة الالم والحزن من حال بورسعيد معقول المدينة الجميلة النظيفة يوصل بيها الحال لكده حرام والله انا موجوعه عليها وبتمنى ان الكل يتحرك لانقاذها بورسعيد كنز بس للاسف هنز مدفون تحت الرمال ومافيش ادنى اهتمام بيها
    اشكرك على حبك لبورسعيد واتمنى ترجع زى ماكانت

  32. hazem nokhala says:
    24 يوليو 2009 في 10:49 ص

    انا سعيد جدا انى اكتشفت مدونه رائعه مثل مدونتك ... وسعادتى زادتى لانك بورسعيدى ... وبلغت عنان السماء عندما علمت انك مثلى تعشق المصرى ... اود فقط ان استاذنك فى نشر بعض الصور التى نشرتها فى موضوع هذا من خلال مدونتى المصرى البورسعيدى ... ولو لديك اعتراض فسوف احذفها على الفور ... مع العلم انى قد قمت بالاشاره الى نقلى لتك الصور من مدونتك مع اضافه رابط لها فى مدونتى ... وشكرا اخى الكريم

    مدونتى المصرى البورسعيدى
    http://hazemnokhala.blogspot.com/